Xogos e aplicacións

Enlazo algúns recursos deseñados en Flash por Julio Payno, profesor dun centro de Cantabria, e autor deste blog. Son aplicacións para descargar e xogar.  Penso que vos divertirán:

• Descargas
• Xogos

Concerto de Morodo

Como sei que hai seguidores do hip hop de  Morodo, sei que vai actuar próximamente en Santiago de Compostela, concretamente o día 26 de febreiro.

Para máis información: Concerto de MORODO

Como se toca esta nota na frauta?

Xa non tedes escapatoria!   

Este é un magnífico recurso en Flash para coñecer as posicións das notas na frauta doce. Enriba do teclado  podedes activar ou desactivar o son das notas premendo no icono do altofalante;  se premedes na A, pódense ver os nomes das notas no teclado.

Este recurso foi deseñado por Julio Payno, profesor dun centro de Cantabria, cun blog moi interesante que podedes visitar.

Traballos sobre o barroco musical

Os/as alumnos/as de  3º complementaron o estudo do estilo Barroco na clase de música con exposicións orais e powerpoints sobre algunos aspectos destacados da cultura e a música dos séculos XVII e comezos do XVIII .

Pódense ver nesta páxina.

Moi ben, chicos/as!

O poder da escala pentatónica

Non sei se coñocedes a Bobby McFerrin . É un productor e cantante do mundo do jazz, coñecido pola súa habilidade para crear efectos sonoros de todo tipo coa voz. E a pista definitiva é que cantou nos 80 o famoso tema:  Don worry, be happy.

Neste vídeo, o cantante proba a xogar co público dunha conferencia basada na ‘Neuroloxía e  a música‘. Cuns sinxelos xestos, fai cantar ao público unha escala pentatónica mentres el improvisa. O sorprendente e que, según afirma o músico, sexa no país que sexa e con moitos e diversos espectadores, sempre funciona.

Será a música unha reacción fisiolóxica, social, ou simplemente algo que aprendemos con maior ou menor dificultade?

Xacobeo 2010

Este ano é ano xubileo, e como tal a cidade compostelá celebra o Xacobeo 2010 con moitos e variados eventos; entre eles, unha interesante programación cultural, que podedes consultar completa aquí.

Próximamente, en Vigo e A Coruña actuarán os espectaculares  Mayumaná, moi recomendables;  póñovos un video deles.

Por certo, que os/as alumnos/as de 4º do ano pasado lembrarán que fixemos algo parecido; e os/as de 3º… como non trouxéchedes as latas de refrescos, non o fixemos….   a ver se este curso non vos esquecedes!

E no ámbito da música clásica, no  XacobeoClassics haberá concertos moi bos. Entre eles, recomendo estes  por ser os dous solistas de recoñecido prestixio e por ser a primeira vez que veñen á Península :

• Anne Sophie Mutter, violinista virtuosa cunha traxectoria moi importante como concertista, autora de importantes gravacións coas máis prestixiosas orquestras.
• Lang Lang:  a sus 27 años, o pianista chino, cuio primeiro nome “Lang” significa “brillante e luminoso”, e o segundo, “educado”, é un auténtico fenómeno de masas e tamén virtuoso: o víamos fai pouco nun programa de TV:

Como funciona a voz

Neste documental creado pola  National Geographic podemos ver como funciona o noso aparato fonador mediante a gravación do movemento das cordas vocais de Steve Tyler, o coñecido cantante de Aerosmith, quen prestou literalmente a súa voz para participar no documental: